葉問外傳:張天志

葉問既成功衍生出張天志既人物，令張晉再度成為主角，雖則做男主角，但又擺脫吾到葉問影子，單是角色性格亦很相似，學詠春都比較平靜同仁者無敵，明明張晉才是主角，多次提起葉問，勁覺得葉問才是真正主角，其實無呢個包伏出黎效果肯定會經典，真的有能力可創造一個屬於自己的經典角色，所以是不期待有第二集，期待下一部作品，做巨星旨日可待，葉問系列一貫都係主導演一個，動作導演一個，今集雖然八爺明顯比前兩部來得好，但有好多劇情也說不過去，好多劇情話黎就黎十分牵強，不過睇動作片，當然是睇動作場面，加上袁導既卧虎藏龍與及奇門遁甲真的拍得很尷尬，所以張天志比預期高好多，始終拍回袁家班的拿手好戲，動作鏡頭真的非常好看，但缺乏一些新穎武打動作，其實葉問有連環拳，李小龍有雙截棍，張天志亦可以自創其他招式，屬於自己會更好看，張晉身型短小身手敏捷，出黎效果好好睇，多個對打鏡頭亦很刺激，兩個小時亦相當快過，相對劇情來說比起算微不足道，大部分演員演技都勉勉強強，鄭家穎非常用力，做奸角吾適合，相對周秀娜覺得做得不錯，好適合做呢個角色細膩而不造作，楊紫瓊角色演譯太似超豪男友，加上動作戲看得出是找替身的，其實也好的可以多拍張晉的身手，柳岩更加吾使講塊面超膠，口型不對，演出普通，出場出乎意料地多，其實搵返蔡少芬做女主角米仲好，做得到大家姐感覺。

以電影來說，尚算精彩，制作不俗，不會悶場。但以八爺今次今日的地位，不能要求太低。打鬥場面尚可，D武師幾下直跌落地上，心都離一離。但有幾個場面不夠流，吊威也是正常，但觀感上不要太明顯。男角太蒼桑，女角有老態，都欠魅力。尾部打英國佬，擺明討好大陸電影局。戲中趙金虎好搞笑，周秀娜做女一，D效果可能更好。Tony 打得幾狠爽。

“葉問系列”算係我幾鍾意嘅港産片系列之一,睇葉問3嘅時候,已經覺得張志天呢個角色好吸引,得知張天志會有外傳電影嘅時侯,都幾期待,又幾擔心拍得吾好,等左咁耐,終於上映啦,見套戲嘅評價咁好,就入場睇啦。 睇完之後,我係覺得吾錯,劇情就同以往嘅葉問差吾多啦,又係同黑幫打,最終Boss又係鬼佬,角色都好睇嘅,節奏快,冇冷場,動作指導得幾好,打鬥場面幾刺激,呢套外傳嘅格式同正傳差吾多,但好眀顯風格就有啲吾同,我就遍向鍾意正傳嘅風格多啲,套戲整體表現合格啦。 今次呢套外傳嘅角色係好睇嘅,不過好明顯角色之間嘅關係描寫得有啲薄弱,張天志被葉問打敗之後,捨棄左詠春,過程中都成日反思,獲得成長,見倒張天志有所成長,係吾錯嘅,喺套戲度見倒張天志嘅行事手法同葉問好吾同,張天志嘅行事手法有啲似佢個仔睇嘅漫畫,Batman嘅行事手法,最後嗰幕張天志用詠春真係好型,可惜詠春得太少啦,張天志同阿仔張鋒嘅父子情都ok嘅,其他角色都好睇嘅,張晉同楊紫瓊同埋銀河守護隊大隻佬DaveBatista打嗰兩場都幾好睇,不過始終我都係覺得同Tony Jaa打嗰兩場正啲,可惜Tony Jaa嘅戲份就少左啲。 呢套戲嘅場景就用左好多舊式香港嘅街道,服裝都好有80年代嘅感覺,對比,葉問,張天志更加有一種舊時港産片嘅Feel。 總括嚟講,呢套戲係吾錯嘅,劇情一般般,角色都好睇嘅,動作指導幾好,以一套外傳嚟講,都合格架啦,呢套戲就好大機會冇續集架啦,呢套戲都推介嘅,又係嗰句啦,鍾意葉問系列會鍾意呢套戲,吾鍾意葉問系列就吾會鍾意呢套戲,最後一句,而家只可以期待下年嘅葉問4啦。

張晉飾演張天志很合襯，內儉寡言卻又骨子裡帶有驕傲。打鬥場面很精彩，張晉底子很紮實，拳腳都很有看頭。選角上一眾男角色都無問題，Tony Jaa、釋延能（虎哥）、Dave Bautista等都打得很刺激，Dave看起來很像金霸王。鄭嘉穎唔打得但好搶戲。有幾幕打鬥特別刺激好看：張晉對Tony Jaa、楊紫瓊+鄭嘉穎對張晉+釋延能、Dave對釋延能、張晉對Dave。美中不足的是跳招牌那場太過誇張，翻上翻落輕鬆程度明顯在吊威也。加上女主角塊面太膠，實在有點倒胃口。我唔係嚟做英雄，我係嚟揼你！更多影評在⬇️Facebook / Instagram : Mr.PolarKuma

張晉確實幾型, 其他演員演出亦到位.喜歡睇武打片的朋友不容錯過👍🏻

電影風格和葉問十分相似。劇本仍然為中國人與外國人對打，警察貪污等等，沒有新意。並非抹煞張晉的努力，主角換上甄子丹葉問亦成立。Tony Jaa沒有太大發揮機會，有點浪費。整體普普通通而已。