怪醫D老篤

「D老篤」嘅舊版電影「D老篤日記」我就冇睇過，但當我見倒新版電影嘅D老篤係由「Iron Man」Robert Downe Jr.所飾演，加上動物角色嘅配音陣容同題材都咁吸引，就令到我好有興趣睇，等左咁耐，終於上映啦，緊係要盡快入場睇啦。 睇完之後，我係覺得正嘅，好睇嘅，劇情就一般般啦，角色同題材都吸引，特技還可以，節奏快，冇乜悶位，娛樂性高，啲笑位並吾係好好笑，整體表現都滿意。 呢套新版嘅「怪醫D老篤」同以往嘅「D老篤日記」吾同，故事背景吾再係現代化嘅城市，而係設定喺中世紀嘅英國，老實講，呢個設定係吸引嘅，加上由於套戲吾再設定喺現代，所以套戲裡面大部分建築都充滿住古典式嘅味道，呢點係正嘅，觀眾睇呢套戲嘅時候，應該都會有新鮮感。而由於呢套戲係一套奇幻冒險電影，所以會有冒險嘅情節，老實講，呢套戲嘅風格係幾奇幻，但對比其他奇幻電影，呢套戲嘅劇情就略嫌「平淡」左啲，呢套戲嘅劇情其實吾算差，但無可奈劇情係令到呢套戲失色嘅部分。呢套戲嘅特技都ok，當然動物嘅特技吾會好似魔幻森林咁勁，但大部分動物嘅特技都整得幾好，只有少部分動物嘅特技我吾多滿意(例如北極熊丶老虎)。 至於角色方面，Robert Downe Jr.所飾演嘅「怪醫」D老篤感覺就好似動物傳心師＋獸醫，呢個角色完全係一個「動物保育者」，佢嗰種討厭人類嘅性格同形象我都幾鍾意。其他動物角色嘅設定都幾有趣，大部分嘅動物角色都係D老篤嘅病人，同時又係佢嘅助手，大部分動物都喺呢次嘅旅程得到「治療」，而D老篤同樣喺呢次旅程裡面得到「治療」。D老篤嘅徒弟仔感覺就一般般啦。 總括嚟講，呢套戲係正嘅，好睇嘅，劇情就一般般，角色同題材都吸引，娛樂性高，呢套戲都推介嘅，Robert Downe Jr.嘅粉絲丶鍾意動物嘅朋友丶一家大細都啱睇。

Robert Downey Jr 戲路真的好像Johnny Depp，總是飾演神神化化的怪人角色，今次的做少啲（DOLITTLE)醫生亦是喜歡見動物多於見人的怪醫，有些情節亦酷似魔盜王。另外，配音班底強勁是此片一大賣點，Rami Malek、Emma Thompson、John Cena等知名演員都為動物配音。可惜劇情著實薄弱，幸好動物特效很不錯，是比較適合小朋友看的童話故事。更多影評在⬇️Facebook / Instagram : Mr.PolarKuma

輕鬆惹笑歷險電影,唔係動作科幻大片,但節奏明快, 笑下又1day.

論個故仔，都係基本橋段，順暢無咩要估，但d動物得意到貢，越睇越開心❤️正能量返晒黎！主要睇CG，動物識講嘢既電影都拍左幾十年，但係都仲拍到新感覺出黎，唔老土。北極熊、黑猩猩、多嘴鴨、醫護狗、傻章魚、叻鸚鵡⋯⋯隻隻得意cute爆，一邊睇，好想住係果間奇幻動物大屋！大陸瘟疫蔓延全球，但要睇戲大叔唔去戲院睇戲，死得快過肺炎！尤其宜家俾大陸細菌搞到人人負面情緒爆炸，入場睇笑片，人都開心散場！

動物栩栩如生又有趣。

基本上係童話故事嘅真人(動物) 版，唔好當動作片，更加唔好當英雄片，否則你會失望。CG做得幾好，故事正路無咩特別，無悶場，亦無感動位，不過全程輕鬆，算係合家歡電影~4.3/5 (87分)