軍艦島

以下是我對這套戲的評語：我覺得套戲是出色，一套韓國的主旋律的片，導演在處理文戲和場面時也是好的，可以寫出他們的苦，無論是寫他們被引到這裏，在這裏打苦工和之後他們逃走的章節也是好，雖然這套是主旋律片，但睇落感覺是舒服，沒那套咁祖國片咁麻目歌頌。一般觀眾也會投入到的。這樣又是反映韓國和中國在電影工藝上的分野。而那幾場大場面方面，我覺得這套拍得頗入肉，不會避免血肉橫飛的場面。老實三條線中我一定喜歡黃晸玟那線，他這條線無論是描寫他和他的女兒之間的親情、他這種幽默和聰明（雖然可能有人會覺得他是投日而令自己比較好過，但在這個時候，有一技之長的確可以幫你的）。而導演在描寫他這條線的確比其餘兩條線好和令觀眾深刻。反而我對宋仲基和蘇志燮的章節比較沒黃咁深刻（我有時連他們是那個也分不出）（利伸:我是個不睇韓劇的人），反而我睇得多黃，所以我對他的面有認識的。

日本对亚洲付出的恶行韩国人的愤怒都在里面

訓左三次，每次起身睇吾夠5分鐘又訓，不過應該係套好戲，埋尾做完見到我老婆喊到收吾到聲，喊花左個妝，三星係比我老婆的。

型男，超級特務，黑幫式打鬥，父女情，韓奸，槍彈肉搏鬥，扇動愛國情緒劇情，原子彈爆炸…元素非常豐富的愛國電影，但劇情有些牽強。整體不錯，值得去看，特別是韓迷。

軍艦島日本名為端島(Hashima Island)，位於長崎市西南海上，二戰時徴集（實則欺瞞）大量韓國人往此島採鑛，為日本戰時工業用，在戲中有提到鑛床竟深入至水平面下1100米，大約幾深？九龍站上嘅環貿廣場約480米高，即約較兩座環貿廣場高度仲深。 此片根據真人真事拍成，未知原著如何，相信編導係好用心將整個歷史真相在銀幕上還原，氣勢磅薄，鏡頭迫真，扣人心弦，四百多個韓國人知道將受日軍殺盡，以掩飾在端島上日本人的罪行，於是群起反抗，要乘運煤船逃離這人間地獄，正如島上的日軍統領所言，戰爭勝利又如何，最緊要係能夠生存，正如我地俗語所謂，留得青山在，那怕沒柴燒，所以你在戲中感受到，人要求生的強烈欲望，正如「鄧苟克大行動」戲中，人人在長長海灘上等待救援一樣，只不過畫面係一動一靜之分。整套戲我最喜歡那個樂團團長的演出，在緊湊中帶來歡樂，也充滿人情味，十分精彩。

我自己係一個吾睇韓劇嘅人,對呢套戲嘅演員,全部都吾識,只係睇完個預告片之後,覺得幾吸引,所以就入左場睇。 睇完之後,果然冇失望,成套戲都好緊湊,冇悶場,呢類型嘅題材經常被拍(日本戰役事件),但好多拍出嚟都吾係幾好睇,例如抗日戰爭個D,呢套戲比我預期中好睇好多,對我嚟講,可以話係近期佳作。 呢套嘅製作,感覺十分認真,劇情非常豐富,加上配樂,同埋嘅演技,令到畫面非常之震撼,絕對值得入場睇。 呢套戲好明確咁,幫朝鮮人申訴,説明日本嘅黑暗歷史。 呢套戲好多嘅演員嘅演技非常好,我幾鍾意父女個條線,個阿爸(吾知個演員叫咩名)呢個角色做得好好,令觀眾好容易有代入感。 日本人喺“日本戰役”有幾衰就人人都知,呢套戲都表達得好好,至於班日本人,我就吾知係咪日本人啦,佢地演到真係好衰。 呢套戲我係非常滿意,呢套戲嘅劇情、畫面、演員嘅演技都好好,呢套戲十分推介俾各位睇,韓劇更加要睇。