葉問4:完結篇

大戰場地來來去去都是一樣

同葉問二一樣橋段，有個中國人輸俾鬼佬，俾鬼佬話廢柴，跟住就去挑機，完全沉悶之作，太過神化葉問，最好睇第一集，肯落本，今集拍得太hea

已經無曬新鮮感。扮李小龍更加摧毀埋成套戲。

到了最後一集，你想拍乜嘢出嚟，入到去好好欣賞葉問點打美國佬，最後一拳打落之後大叫，葉問好野！如果陳國坤識打功夫，他就是宇宙最強的後繼之人，努力💪🏿陳國坤，希望睇你拍李小龍這天的來臨。

「葉問」呢個系列算係我其中一個幾鍾意嘅武術電影系列，集集都有追開。得知會有第四集嘅時候，都幾期待下，等左咁耐，終於上映啦，緊係要盡快入場睇啦。 睇完之後，老實講，係有少少失望嘅，不過都係好睇嘅，套戲劇情就一般般，角色還可以，打鬥場面幾刺激下，節奏快，有少少悶位，大致上都滿意。 今集雖然主要就係講葉問去美國幫阿仔葉正搵中學，但睇完第四集嘅觀眾應該就會發現，其實今集嘅故事結構都幾似第二集。故事一開始嘅時候葉問就去左一個陌生嘅地方，喺第二集嘅時候，葉問就去左香港，喺第四集嘅時候，葉問就去左美國。隨住故事嘅發展，葉問就遇到當地嘅地頭蟲，喺第二集嘅時候，葉問就遇到以洪震南為首嘅香港武術家，喺第四集嘅時候，葉問就遇到以萬宗華為首嘅中華總會。冇幾耐之後，武術家就受到鬼佬嘅挑釁，並產生種族上嘅矛盾。雖然今集嘅故事結構都幾似第二集，但主題就吾再係「生活」，而係「傳承」。而加上李小龍去美國發展落故事橋段，係一個明智嘅做法，一嚟因為呢段係真實歷史，二嚟亦因為呢段歷史先改變外國人對華人嘅睇法，加上呢段情節之後，就大大提高左種族矛盾嘅說服力。　 至於角色方面，葉問呢個詠春宗師嚟到第四集真係啲老啦(我指嘅係葉問呢個角色，而吾係甄子丹)，不過佢仲係咁型，仲打得，而編劇為葉問呢個宗師所寫嘅「結局」，我都滿意嘅，上集葉問同佢老婆張永成嗰情都幾好睇，嚟到今集，估吾倒葉問同佢阿仔葉正嗰段父子情都幾好睇，都幾觸動倒我，只係略嫌佢兩個互動有啲少。中華總會會長萬宗華呢個角色我就覺得幾似洪震南，佢兩個被鬼佬壓榨嘅時候，都會揼低頭吾理，但鬼佬打上門嘅時候，就會好主動用武術迎擊，當然萬宗華呢個角色就冇洪震南嘅霸氣，但就多左暗地裡關心阿女嘅柔情。而李小龍呢個角色就不得不提，呢個角色喺套戲𥚃面都幾重要，但佢嘅戲份就吾多，雖然陳國坤嘅模仿度算高，但始終演吾倒李小龍嗰種神髓。 總括嚟講，呢套戲係好睇嘅，劇情一般般，角色還可以，打鬥場面都幾刺激，淨係睇動作場面都值得入場啦，葉問電影系列嘅粉絲就啱晒。

今集加左李小龍就更加正，師徒顯身手，一開頭就比個爆枱過下隱，故事好貼地加幾下武打，推介 the end.